Ulyq merekeler – Alǵys aıtý kúni men Qazaqstan halqy Assambleıasynyń qurylǵan kúninen bastaý alyp, Halyqaralyq áıelder kúni jáne Naýryz merekesi toılanatyn aıdyń basynda Elbasynyń áleýmettik bastamalary barsha qazaqstandyqtar úshin erekshe syı boldy.
Bıyl úshinshi jyl qatarynan Alǵys aıtý kúni elimizdiń túkpir-túkpirinde keń kólemde merekelenip, Almaty, Jambyl, Batys Qazaqstan jáne Ońtústik Qazaqstan oblystarynda kıeli qazaq jerine, kóńili keń qazaq halqyna qıyn-qystaý ýaqytta qoldaǵandary úshin qurmet bildiretin monýmentter ashyldy.
Qazaqstannyń birtutas halqy Memleket basshysynyń jańa áleýmettik bastamalaryna shyn peıilmen qoldaý bildiredi. О́ıtkeni ortaq maqsatymyz – qoǵamnyń áleýmettik birligin nyǵaıtý, kólemdi áleýmettik jobalardy birlese júzege asyrý, «Qazaqstan – bizdiń ortaq úıimiz» jalpyulttyq ıdeıasyn jańa oılarmen tolyqtyryp, árbir qazaqstandyqtyń jaǵdaıynyń durys bolýyna kúsh salý.
Máselen, árbir otbasyna baspana alýdyń jańa múmkindikterin berý, jalaqysy tómen jumysshylardyń eńbekaqysyn kóbeıtý úshin olardyń salyq júktemesin azaıtý, joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý, shaǵyn nesıe berýdi kóbeıtý jáne eldi gazben qamtamasyz etý josparlarynan elge shynaıy qamqorlyqty sezinemiz.
Jańa jobalar elimizdiń azamattarynyń ómir súrý deńgeıin barynsha jaqsartatyndyǵyna kúmán joq. «Zamanaýı jahandyq ahýalda ulttyq birlik – áleýmettik birlik, al qalyptasqan memleket – áleýmettik memleket. Biz áleýmettik memleket pen ulttyq órkendeýdiń shynaıy ári syndarly qazaqstandyq modelin mindetti túrde birge jasaıtynymyzǵa senimdimin», dedi Prezıdent.
Qazaqstandyqtardyń ómir sapasyn arttyrýǵa arnalǵan jańa áleýmettik bastamalar da ortaq kúshti biriktirý arqyly júzege asatyndyǵyna senimdimin.
Leonıd PITALENKO,
«Belarýs» etnomádenı birlestiginiń tóraǵasy
